Manba: Lukakuning transferi kelasi hafta e'lon qilinadi

Milanning "Inter" va Londonning "Chelsi" klublari Angliya jamoasi hujumchisi Romelu Lukakuning 2022/2023 yilgi mavsum uchun ijara shartlari bo'yicha kelishib oldi. Bu haqda jurnalist Fabritsio Romano Twitter'da xabar berdi.

Manbaga ko'ra, tomonlar barcha shartlar bo'yicha kelishib olgan va transfer kelasi hafta e'lon qilinadi. “Inter” futbolchini sotib olish imkoniyatiga ega emas.

29 yoshli Lukaku 2019 yildan 2021 yilgacha “Inter” safida to'p surgan va jamoa safida 95 ta o'yinda maydonga tushib, 64 ta gol urgan va 16 ta golli uzatmani amalga oshirgan.

Bir yil avval “Chelsi” Romeluni 113 million evroga sotib olgandi. 2021/2022-yilgi mavsumda Lukaku 44 uchrashuvda 15 bor gol urdi va ikki bor sheriklariga assistentlik qildi. Tomonlar o'rtasidagi kelishuv 2026 yilda yakuniga etadi.