Pulishich "Liverpul"ga o'tmaydigan bo'ldi

"Liverpul" "Chelsi"ning amerikalik yarim himoyachisi Kristian Pulishichni o'z safiga qo'shib olmoqchi emas, deb yozadi CBC Sport jurnalisti Ben Jeykobs o'zining Twitter sahifasida.

Manba bergan xabarga ko'ra, mersisaydliklar "Bavariya"ga ketgan hujumchi Sadio Mane o'rniga o'rinbosar qidirmoqda, biroq ular amerikalik nomzodni ko'rib chiqmayapti. "Liverpul"ning asosiy maqsadi "Real" yarim himoyachisi Marko Asensio.

23 yoshli Pulishich o'tgan mavsumda “Chelsi” safida barcha turnirlar doirasida 38 ta o'yinda maydonga tushib, 8 ta gol urdi va 5 ta golli uzatmani amalga oshirdi. Uning klub bilan shartnomasi 2024 yilning yoziga qadar mo'ljallangan.