"Chelsi" o'z futbolchisiga tushgan bir nechta takliflarga rad javob berdi

Londonning “Chelsi” klubi o'z hujumchisi Armando Broya bilan xayrlashmoqchi emas. Jurnalist Jeyson Byortning so'zlariga ko'ra, "ko'klar" allaqachon "Napoli", "Vest Xem" va boshqa ko'plab jamoalarning bir nechta takliflarini rad etishgan.

"Chelsi" bosh murabbiyi Tomas Tuxel mavsumoldi yig'inda futbolchini kuzatishni istamoqda. Shundan keyingina klub ustozi albaniyalik futbolchining kelajagi borasida bir qarorga keladi.

Broya o'tgan mavsumda Angliya Premer-ligasida "Sautgempton" safida 6 ta gol urdi. Eslatib o'tamiz, hujumchi "avliyolar" safida bir yillik ijara asosida o'ynagan. Futbolchi so'nggi mavsumning kashfiyotlaridan biri edi.