"Chelsi" Lukakuni "Barselona" yoki "Bavariya"ga sotmoqchi edi, biroq...

Londonning "Chelsi" klubi ushbu transfer oynasida o'z hujumchisi Romelu Lukakuni Kataloniyaning "Barselona" yoki "Bavariya" klubiga sotmoqchi edi. Biroq, jurnalist Fabritsio Romanoning so'zlariga ko'ra, hujumchining o'zi faqat "Inter"ga qaytish haqida o'ylagan.

Qolaversa, “Barselona” va “Bavariya” o'tgan yozda “Chelsi”ga 115 million evroga tushgan Lukaku transferini amalga oshirish uchun ushbu transfer oynasida etarlicha resurslarga ega emas.

Eslatib o'tamiz, Lukaku keyingi haftada tibbiy ko'rikdan o'tishi va bir yillik ijara asosida Milanning "Inter" klubiga o'tishini yakunlashi kerak.