"Salernitana" Pedro bilan shartnoma imzolamoqchi

O'tgan mavsum yakuniga ko'ra, A Seriyada jon saqlab qolgan "Salernitana" rahbarlari "Kalyari" hujumchisi Joau Pedro bilan shartnoma imzolamoqchi.

Insayder Nikolo Skiraning xabar berishicha, "Salernitana" 30 yoshli italiyalik futbolchi uchun taxminan olti million evro to'lashga tayyor. Hujumchi "Salernitana"da yiliga ikki million evro maosh bilan shartnoma imzolashi mumkin. Eslatib o'tamiz, "Kalyari" o'tgan mavsum oxirida quyi elita divizioniga tushib ketgan edi.

O'tgan mavsumda Joau Pedro sardiniyaliklar tarkibida Italiya chempionatida 37 ta o'yin o'tkazib, 13 ta gol urdi va 4 ta golga assistentlik qilgan.