Nurbek Jo'ldoshov: «So'g'diyona»ga qarshi bahsda eng yaxshi o'yinimizni ko'rsatishga harakat qilamiz»

"So'g'diyona" bugun OFK kubogidagi yurishini boshlaydi. Guruh bosqichining ilk turida jizzaxliklarga Qirg'izistonning "Neftchi" klubi raqiblik qiladi. Kecha har ikki klub bosh murabbiylari ishtirokida matbuot anjumani o'tkazildi. Tadbirning ikkinchi qismida qo'qor-otaliklar bosh murabbiyi Nurbek Jo'ldoshov o'z fikrlari bilan o'rtoqlashdi.

"Uch yil avval biz OFK kubogining guruh bosqichi uchun da'vogarlik qila olmasdik. Ammo hozirda jamoa sifatida o'sdik va avvalgiga nisbatan kuchliroq bo'ldik. Guruhdagi har bir raqib kuchli va teng imkoniyatga ekanini ta'kidlashni istardim.

Bizning minimum maqsadimiz — guruhdan keyingi bosqichga chiqish. Asosiy maqsadimiz esa musobaqada g'olib chiqish.

Qirg'iziston chempionatidagi ishlarimiz yaxshi va shunday ruhda davom etishni istaymiz. Biroq ushbu musobaqaning darajasi yuqori. Shu bois, unga alohida tayyorgarlik ko'rdik.

Qirg'izistonning har bir klubini yaxshi bilamiz, ammo bu erdagi jamoalar haqida bizda etarli ma'lumot mavjud emas. Shunga qaramay, o'zimizning eng yaxshi o'yinimizni namoyish etishni istaymiz", — dedi Jo'ldoshev.