Neymar 1 iyul kuni mustaqil ravishda "PSJ" bilan shartnomasini uzaytirishi mumkin

Bir nechta manbalarga ko'ra, Neymarning amaldagi shartnomasida shartnomani uzaytirish bandi bor. Qizig'i shundaki, braziliyalikning o'zi variantni faollashtirish bo'yicha qaror qabul qilishga haqli.

1 iyuldan boshlab Neymar bir tomonlama shartnomani 2027 yilgacha uzaytirishi mumkin. Hozircha shartnoma 2025 yilgacha amal qiladi.

Shu bilan birga, klub rahbariyati futbolchini sotish istagini yashirmayapti. Ular hatto Neymar uchun 50 million evro narx belgilashgan, ammo hech kim bunga rozi emas, chunki hech kim braziliyalikga har mavsum uchun 50 million maosh to'lashga qodir emas.