"Atalanta" futbolchisi o'z vataniga qaytib ketdi

“Atalanta” himoyachisi Boshko Shutalo faoliyatini Vatani – Xorvatiyada davom ettiradi.

22 yoshli futbolchi Zagrebning “Dinamo” klubi bilan shartnoma imzoladi, deb xabar bermoqda klub matbuot xizmati. Shartnoma 5 yilga mo'ljallangan bo'lib, Xorvatiya yoshlar terma jamoasi sardorining transfer summasi 4 million evroni tashkil qilgan.

Shutalo "Atalanta"ga 2020 yilning yanvar oyi "Osiek" jamoasidan ko'chib o'tganidan beri o'ynayotgandi. Boshko o'tgan mavsumni "Verona"da ijara asosida o'tkazdi va A Seriyada 24 ta o'yinda maydonga tushdi.