Dialloga "Barselona", "Bavariya" va yana 8 ta klub qiziqish bildirmoqda

"Barselona" va "Bavariya" "Dinamo Kiev"ning senegallik hujumchisi Samba Dialloga qiziqish bildirmoqda, deb xabar beradi Fichajes.

Manbaning xabariga ko'ra, Ispaniya va Germaniya klublari yozgi transfer oynasida futbolchi sotib olish variantini ko'rib chiqmoqda. Shuningdek, futbolchiga "Milan", "Marsel", "Monako", "Borussiya Dortmund", "Leyptsig", "Lion", "Anderlext" va "Bryugge" klublari qiziqish bildirmoqda. Afrikalik futbolchi FIFA qoidalariga ko'ra Ukraina klubi bilan shartnomani to'xtatishga haqli.

19 yoshli Diallo 2021 yildan buyon "Dinamo"da o'ynab kelmoqda. U o'tgan mavsumda UEFA Yoshlar ligasida sakkizta o'yinda maydonga tushib, beshta gol urdi.