"Arsenal" va "Manchester Siti" og'zaki kelishuvga erishishdi

"Manchester Siti" hujumchisi Gabriel Jezus "Arsenal"ga o'tishga yaqin turibdi. London klubi va mankunianliklar braziliyalikning transferi bo'yicha og'zaki kelishuvga erishdi. Bu haqda jurnalist Ben Jeykobs xabar berdi.

Oldinroq futbolchiga 2027 yilgacha mo'ljallangan shartnoma taklif qilinishi xabar qilingandi. Jezus - bu yozda "kanonirlar"ning asosiy maqsadi.

Forvard o'tgan mavsumda Premer-ligada 28 ta o'yinda maydonga tushib, 8 ta gol va 8 ta golli uzatmaga mualliflik qilgan.