Sarri "Latsio"ga APLdan himoyachi topdi

Rimning “Latsio” klubi bosh murabbiyi Mauritsio Sarri o'z jamoasi tarkibini kuchaytirish uchun Angliya Premer-ligasidan futbolchi topdi. Corriere dello Sport nashri xabariga ko'ra, italiyalik mutaxassis "Chelsi"ning chap qanot himoyachisi Emersonni o'z jamoasida ko'rishni xohlamoqda.

Sarri 2018/19 yilgi mavsumda o'zi boshqargan London klubida futbolchiga ustozlik qilgan. Italiyalik murabbiy boshchiligida Emerson kamdan-kam hollarda asosiy tarkibdan joy oldi, ammo mavsum oxirida u Markos Alonsoni asosiy tarkibdan chiqarib yubordi va Evropa Ligasi finalida "Arsenal"ga qarshi o'yinni asosiy tarkibda boshladi.

Eslatib o'tamiz, Emerson o'z vaqtida "Latsio"ning eng printsipial raqibi bo'lgan "Roma"dan "Chelsi"ga o'tgandi.