«Jirona» futbolchisi fotograf-ayolning hayotini saqlab qoldi (video)

«Jirona» klubi Ispaniya La ligasi yo'llanmasini qo'lga kiritgach, ushbu muvaffaqiyatni shahar bo'ylab nishonlashga qaror qildi.

Ikki qavatli usti ochiq avtobusda ketayotgan klub fotografi Nuri Margui halokatga uchrashiga bir baxya qoldi. Suratchi qiz avtobusning ulkan daraxtlar tomon yaqinlashib kelayotganini payqamay qoldi. Natijada daraxtlar uni turtib avtobusdan qulatayotgan paytda 19 yoshli himoyachi Arnau Martines uning oyoqlaridan ushlab qoldi. Shundan so'ng yana bir futbolchi unga yordamga keldi va Nurini avtobusga chiqarib olishdi.