Aller tibbiy ko'rikdan o'tish uchun Dortmundga etib keldi

"Ayaks" klubidan Dortmundning "Borussiya" jamoasiga o'tgan hujumchi Sebastyan Aller oxirgi rasmiyatchiliklarni yakunlash, ya'ni, tibbiy ko'rikdan o'tishi va shartnoma imzolashi uchun Dortmundga etib keldi.

Kuni kecha klublar kelishuvga erishgani ma'lum bo'ldi. Dortmundning "Borussiya" klubi "Ayaks" jamoasiga 31 million evro to'laydi. Boz ustiga, bonuslar hisobiga bu miqdor yana 4 millionga oshishi mumkin. Futbolchining o'zi dortmundliklar bilan 4 yillik shartnoma imzolaydi.