"Barselona"ning sobiq hujumchisi MLSga ko'chib o'tishga yaqin turibdi

Kataloniyaning "Barselona" tarbiyalanuvchisi, hozirda "Sevilya" klubida to'p surayotgan Munir El-Xaddadi Ispaniya chempionatini tark etib, faoliyatini boshqa chempionatda davom ettirishi mumkin.

Todofichajes nashrining yozishicha, MLS chempionati klubi 26 yoshli hujumchining xizmatlariga qiziqish bildirmoqda. "Los-Anjeles Geleksi" Munirga shartnoma taklif qilishga tayyor. Kaliforniya klubi El-Xaddadi transferi uchun "Sevilya"ga 4 million evro taklif qiladi. Forvard yiliga 2,3 million maosh bilan shartnoma imzolaydi.

Muzokaralar so'nggi bosqichda va yaqin orada kelishuv e'lon qilinishi mumkin.