"Nyukasl" futbolchisiga APLning top-klublari qiziqish bildirmoqda

"Nyukasl" yarim himoyachisi Allan Sen-Maksimenga APLning bir qator etakchi klublari qiziqish bildirmoqda. Jurnalist Saymon Jonsning xabariga ko'ra, frantsiyalik futbolchini Londonning "Chelsi" klubi sotib olmoqchi.

“Ko'klar” hujumni kuchaytirish kerak, shu bois rahbariyat Evropaning eng yaxshi driblingchilaridan biri bo'lgan Sen-Maksimenni sotib olish variantini jiddiy ko'rib chiqmoqda. Transfer taxminan 50 million evroga baholanmoqda.

Eslatib o'tamiz, Sent-Maksimen Angliya Premer-ligasida uch mavsum o'tkazdi. Avvalroq futbolchi Frantsiyaning “Nitstsa”, “Sent-Eten”, “Bastiya” va “Monako” klublarida to'p surgan.