"Arsenal" taklifi yana rad etildi

"Arsenal" "Lids" bilan braziliyalik yarim himoyachi Rafinya Diasning transferi borasida kelishuvga erisha olmadi, deb xabar beradi The Telegraph.

Manbaga ko'ra, "tovuslar" futbolchini sotishdan bosh tortgan, chunki London klubi uning uchun talab qilinadigan 55 million evrodan ancha kam pul taklif qilgan. Avvalroq "Barselona" moliyaviy muammolar tufayli braziliyalik futbolchini transfer qilishdan bosh tortgandi.

25 yoshli Rafinya o'tgan mavsumda "Lids" safida barcha turnirlarda 36 ta o'yinda maydonga tushib, 11 ta gol urdi va 3 ta golga assistentlik qildi. Uning klub bilan shartnomasi 2024 yilning yoziga qadar mo'ljallangan.