"Roma" Gedesh uchun o'z futbolchisini taklif qildi

"Roma" "Valensiya"ning portugaliyalik qanot hujumchisi Gonsalu Gedeshga qiziqish bildirmoqda, deb xabar beradi Il Tempo.

Manbaga ko'ra, Italiya klubi futbolchi uchun 20 million evro to'lashga, shuningdek, ispaniyalik vinger Karles Peresni berishga tayyor. Rimliklar bosh murabbiyi Joze Mourinoning shaxsan o'zi bu kelishuvni talab qilmoqda.

25 yoshli Gedesh o'tgan mavsumda "Valensiya" safida barcha turnirlarda 42 ta o'yinda maydonga tushib, 13 ta gol urdi va 6 ta golga assistentlik qildi. 24 yoshli Peres “Roma” safida 28 ta o'yinda maydonga tushib, 3 ta gol va 1 ta golli uzatmaga mualliflik qilgan.