Mao Xosoya: «O'zbekiston bilan o'yinda hamma narsaga tayyor bo'lishimiz zarur»

Yaponiya U23 terma jamoasi hujumchisi Mao Xosoya O'zbekistonga qarshi bo'ladigan yarim final bahsi oldidan o'z fikrlari bilan o'rtoqlashdi.

"Yarim finalga chiqqanimizda xursandman. Ammo bizni O'zbekistonga qarshi qiyin o'yin kutib turibdi. Biz esa bu o'yinga yaxshi tayyorgarlik ko'rdik. Jamoam g'alaba qozonishi uchun qo'limdan kelgan barcha ishni qilaman.

O'zbekiston terma jamoasi safida yaxshi o'yinchilar ko'p. Ular tezkor, chaqqon va har qanday himoyani yorib o'tishga qodir. Shu bois, biz hamma narsaga tayyor bo'lishimiz zarur.

Biz hamisha jamoaviy o'yin ko'rsatamiz. Bu bizning kuchli jihatlarimizdan biri. Futbolchilar o'rtasidagi o'zaro bog'lamlar muhim ahamiyatga ega. Mashg'ulotda buning ustida ishlaymiz. Doimo raqiblarni tahlil qilamiz. Xususan, O'zbekistonning o'yinini tahlil qilib chiqdik", — dedi Xosoya.