Suxrob Xo'jaev engil atletika bo'yicha Osiyo chempionatida bronza medalni qo'lga kiritdi

Qatar poytaxti Doha shahrida o'tkazilayotgan engil atletika bo'yicha Osiyo chemponati yakunlandi. 

24 aprel kuni musobaqaning so'ngi kunida bolqon uloqtirish bahslarida ishtirok etgan yurtdoshimiz Suxrob Xo'jaev finalda 72,85 natijani qayd etib, bronza medalni qo'lga kiritdi. 

Birinchi va ikkinchi o'rinlarni tojikistonlik Dilshod Nazarov (76,14 m) va qatarlik Ashraf Elsayfiy (73,27) egalladi. 

Qayd etish kerakki, ushbu uchlik 2018 yil yozida Indoneziyada o'tkazilgan Osiyo o'yinlarida ham o'zaro bellashgan, o'shanda birinchi Ashraf Elsayfiy (76,88), Dilshod Nazarov ikkinchi (74,16) va Suxrob Xo'jaev uchinchi o'rinni (74,6) qo'lga kiritgan edi.

Eslatib o'tamiz, ushbu musobaqada sportchilarimizdan Ruslan Qurbonov (uch xatlab sakrash), Nadiya Dusanova (balandlikka sakrash), Ekaterina Voronina (etti kurash) oltin medalni va Svetlana Radzivil (balandlikka sakrash) bronza medalni qo'lga kiritgan edi.

Shunday qilib, engil atletika bo'yicha 23-Osiyo chempionatini O'zbekiston jamoasi 3ta oltin va 2 ta bronza medal bilan yakunladi.