Gvardiola: «Old Trafford»ga tashrif buyurish biz uchun qo'rqinchli emas»

«Manchester Siti» bosh murabbiyi Xosep Gvardiola «Manchester Yunayted»ga qarshi bo'ladigan o'yin oldidan o'z fikrlarini bildirib o'tdi.

«So'nggi 10 yil davomida "Siti" ancha o'sishga erishdi. Hozirgi kunda "Old Trafford"ga tashrif buyurish va u erda o'ynash biz uchun qo'rqinchli emas. Lekin avval raqib maydonida o'ynash qiyin bo'lardi.

Oxirgi 10 yilda «Manchester Siti» futbcholilarining saviyasi oshgani imkoniyatlarni tenglashtirdi. Avval esa saviya o'rtasidagi farq ancha farqli edi», – dedi Gvardiola.

Manchester derbisi bugun, 24 aprel kuni tungi soat 00:00da boshlanadi. «Siti» hozirda «Liverpul»dan 2 ochko ortda qolgan holda 2-o'rinda bormoqda.