Hasanov hamda Shavkatov bronza medali uchun kurashishadi

Bugun Xitoyning Tsian shahrida sport kurashlari bo'yicha Osiyo chempionati start oldi. Xabar berganimizdek, mazkur qit'a birinchiligini erkin kurashchilar boshlab berishdi.

Ayni paytga kelib, kechki dasturda medallar uchun kurashuvchi polvonlar nomi ma'lum bo'ldi. Unga ko'ra, 57 kilogramm vazn toifasida bahs olib borayotgan Mahmud Shavkatov tojikistonlik Hikmatillo Vohidovga qarshi gilamga chiqadi. Shuningdek, Osiyo o'yinlari bronza medali sohibi Sirojiddin Hasanov (-65 kg) ham uchinchi o'rin uchun bahs olib borishi ma'lum.

Ta'kidlash joiz, har ikki kurashchimiz ham yarim finalda imkoniyatni boy berishgan. Hasanov endilikda shohsupaga ko'tarilishi uchun eronlik Peiman Biyabanini mag'lub etishi kerak bo'ladi.