OChL, 4-tur. Bugun «Paxtakor» Doxada, «Lokomotiv» esa Toshkentda o'ynaydi

Bugun Osiyo chempionlar ligasi guruh bosqichi 4-turidan o'rin olgan uchrashuvlar bo'lib o'tadi.   Toshkentning "Lokomotiv" jamoasi o'z maydonida Saudiya Arabistonining "Al-Ittihod" klubini qabul qilsa, "Paxtakor" jamoasi Qatarda "As-Sadd"ga qarshi maydonga tushadi.

"Lokomotiv" - "Al-Ittihod" o'yini soat 18:00da boshlanadi. "Paxtakor" - "As-Sadd" uchrashuvi esa Toshkent vaqti bilan soat 21:00da start oladi.   "Lokomotiv" uchta turdan so'ng "B" guruhida 3 ochko jamg'argan holda, so'nggi o'rinni egallab turibdi. "Paxtakor" esa "D" guruhida 5 ochko bilan 1-pog'onada bormoqda.