Ronaldu: «1000 foizga «Yuventus»da qolaman»

Avvalroq hujumchi Krishtianu Ronaldu "Yuventus"ni tark etishi mumkinligi haqida xabar tarqatilgandi. 34 yoshli futbolchi bu mish-mishlarni inkor qildi.

"Chempionlar ligasidagi muvaffaqiyatsizlik? Hamisha g'alaba qozonib bo'lmaydi. Kubok faqat bitta jamoaga nasib etadi. Kelasi yili EChLni qo'lga kiritish uchun maksimal harakat qilamiz".

"Mening kelajagim? 1000 foizga kafolat beramanki, "Yuventus"da o'ynashda davom etaman", — deya Ronalduning so'zlaridan iqtibos keltirdi jurnalist Janluka di Martsio.

Ronaldu A seriyaning ushbu mavsumida 27ta o'yinda maydonga tushib, 19ta gol urdi va 11ta golga uzatma berdi.