Venger Emerining «Arsenal»dagi ishiga baho berdi

«Arsenal»ning sobiq bosh murabbiyi Arsen Venger ispaniyalik mutaxassis Unai Emerining London klubidagi dastlabki 6 oylik ishiga baho berdi.

17 ta turdan so'ng, «qurolsozlar» peshqadam «Liverpul»dan 11 ochko ortda qolgan holda, 5-o'rinni egallab turishibdi.

«Menimcha, Emeri o'z ishini juda yaxshi bajaryapti. Yangi taklif qilingan futbolchilar bilan u himoyada barqarorlikni vujudga keltirdi, ishlar yomonmas. Jamoa juda yaxshi qo'llarda, buni har doim aytganman. Ba'zilar men ketganimdan so'ng, juda katta qayta qurishni kutishgan edi. Ammo men bunga hojat yo'q deb o'ylaganman. Odamlar meni haq ekanimni ko'rib turishibdi», - deb Venger so'zlarini keltirmoqda beIN Sports.