Xitoydagi qit'a chempionatidan avval Osiyo og'ir atletika federatsiyasining Kongressi bo'lib o'tdi

Bugun Xitoynin Ninbo shahrida og'ir atletika bo'yicha bo'yicha Osiyo chempionati rasman start oladi. Tabiiyki, bellashuvlar boshlanishidan avval qit'a federatsiyasining qator yig'ilishlari o'tkazildi. Mazkur tadbirlar doirasida Osiyo og'ir atletika federatsiyasining Ijroiya qo'mitasi, ilmiy-amaliy, murabbiylar va hakamlar qo'mitalari yig'ilishi, shuningdek, tashkilotning navbatdagi Kongressi ham bo'lib o'tdi.

Qit'a va Xalqaro og'ir atletika federatsiyalari mutasaddilarini jamlagan mazkur tadbirlarda O'zbekiston og'ir atletika federatsiyasi raisining birinchi o'rinbosari, Osiyo og'ir atletika federatsiyasi vitse-prezidenti Shahrullo Mahmudov ham ishtirok etdi.

Eslatib o'tamiz, Osiyo chempionatida 6 nafar sportchimiz qatnashadi. Terma jamoamiz vakillarining dastlabki chiqishi ertaga boshlanadi va unda Adhamjon Ergashev (-67 kg) chempionlik uchun supachaga chiqadi.

E'tiborlisi, tarkibga kirgan barcha atletlarimiz o'z vazn toifalarida medallar uchun asosiy da'vogarlardan sanalishadi. Shunday ekan, O'zbekiston Milliy olimpiya qo'mitasi Osiyo chempionatida mamlakatimiz terma jamoasi a'zolariga omad va muvaffaqiyatlar tilaydi.