«Paxtakor» 22 aprel kuni «As Sadd» bilan o'ynaydi

Toshkentning "Paxtakor" klubi Chempionlar Ligasi 4-turida Qatarda "Al Sadd" mehmoni bo'ladi.

Uchrashuv "Jassim Bin Hamad" stadionida Toshkent vaqti bilan soat 21:00da start oladi. Mazkur o'yinning ahamiyati juda yuqori. G'alaba qozongan taqdirimizda nimchorak finalga chiqish uchun juda katta qadamni tashlagan bo'lamiz. Durang natija ham imkoniyatlarimizni ancha yaxshi holatda saqlab qoladi. Shu sababli "Paxtakor" mazkur bahsda ijobiy natijaga erishish maqsadida bor kuchini ishga soladi. Toshkentda kechgan o'yin juda qiziqarli va gollarga boy tarzda o'tdi. Doxada ham yana bir bor shiddatli, keskin, hujumkor va chiroyli futboldan bahramand bo'lishimiz ehtimoli yuqori.

Bellashuvni mezbonlardan Pedro Korrea va Akram Afif sariq kartochkalar bilan bog'liq diskvalifikatsiya tufayli o'tkazib yuboradi. "Paxtakor"da esa bunday yo'qotish mavjud emas.

"Sherlar" bugun 15:30da Toshkentdan Doxaga jo'nab ketishadi. Ertaga o'yin oldi tadbirlari tashkil etiladi va jamoa rasmiy mashg'ulot o'tkazadi.