Rud Gullit: "Gvardiola EChLni yutolmaydi, chunki endi qo'l ostida Messi yo'q"

Gollandiyalik sobiq mashhur futbolchi Rud Gullit Pep Gvardiolaning "Man Siti"si EChLni tark etgani xususida fikr bildirdi.

"Gvardiola chempionlar ligasini yuta olmaydi, chunki endi unda hammasini hal qiladigan Messi yo'q.

U bunga "Bavariya"da urinib ko'rdi, yaqin keldi, ammo erisha olmadi. "Bavariya" bilan bundesliga chempioni bo'lish - bu natija emas, chunki u har yili chempion bo'ladi.

"Barselona"da qiyin o'yinlar bo'lganida oldinga Messi chiqar edi. Gvardiola davrida Messi juda muhim o'yinchi edi. Hissiyot va harakatlariga qarab Pepga achinaman", - deydi Gullit.