Fernando Lorente: «Gol urgan paytimda to'p qo'limga tekkan edi»

«Tottenxem» hujumchisi Fernando Lorente tan olib aytishicha, u «Manchester Siti» darvozasini ishg'ol qilishdan avval to'p uning qo'liga tekkan edi.

Ikkinchi bo'limda burchak to'pi o'yinga kiritilganidan keyin ispaniyalik futbolchi darvozani ishg'ol qilib, hisobni 4:3 ko'rinishiga keltirdi. Bosh hakam Junayt Chaqir videotakrorni o'z ko'zi bilan bir necha marta ko'rganidan keyin golni hisoblash haqida qaror qabul qildi.

«Hakam golni bekor qilsa kerak, deb homush tortib turgandim. Boisi, men to'pga qo'lim va badanim bilan tegingan edim.

Qo'shib berilgan daqiqalarda esa Sterling gol urdi. O'sha paytda jamoadoshlarim maydonda yotishgan edi. Keyin esa gol bekor qilindi. Bu kino», – dedi Lorente.

«Tottenxem» yarim finalda «Ayaks» bilan to'qnash keladi.