«So'g'diyona»ning yangi murabbiyi aniq bo'lgan. U ertaga tanishtiriladi

Jizzaxning «So'g'diyona» klubi Superliga 4-turidan o'rin olgan «Dinamo»ga qarshi o'yindan so'ng (0:1) jamoa bosh murabbiyi Sergey Lushchanni iste'foga chiqardi. Murabbiy o'z arizasiga ko'ra ishdan bo'shatilgan.

«Bo'rilar»ning yangi murabbiyi nomi ma'lum. «Erudit Sport» gazetasining yozishicha, Ulug'bek Baqoev «So'g'diyona» bosh murabbiyiga aylangan. U ertaga rasman bosh murabbiy sifatida tanishtiriladi. Baqoev o'tgan mavsum yakunida «Buxoro»dan ketgan va shundan buyon hech qaerda faoliyat yuritmayotgan edi.