Xalk: "Ba'zi rus futbolchilari menga hasad qilar edilar"

"Shanxay SIPG"ning braziliyalik hujumchisi Xalk rossiyaning "Zenit"ida to'p surgan davrini esladi.

"Men Aksel Vittsel bilan bir vaqtda "Zenit"ga o'tganman. Biz ikkimiz jamoaga yordam berish uchun kelgandik, o'zimizni boshqalardan ustun qo'ymas edik. Barchaga hurmat bilan munosabatda bo'lar edik va jamoada yaxshi muhit yaratishga harakat qildik. Ammo kutilmaganda ba'zi rus o'yinchilari hasad qila boshladilar. Men muloqot qilmoqchi, munosabatlarni yaxshilamoqchi bo'ldim, ammo bu qiyin edi. Gollar uraverdim va ularga e'tibor bermadim. Mashg'ulotlarda men bilan deyarli suhbatlashmas edilar.

Taxminan uch oydan so'ng klub prezidentiga ketmoqchi ekanimni aytdim. U esa: "Qayoqqa ketasan? Aqldan ozdingmi?!" dedi. Menga ozgina sabr qilishim, hammasi joyiga tushishi aytishdi. Tanaffusda jamoadagi muhitni buzayotganlarni hayday boshlashdi. Jamoa yaxshigina tozalandi. Shundan so'ng kiyinish xonasidagi muhit ancha yaxshilandi", - deydi Xalk.