«Ayaks»da «Yuventus»ga qarshi o'yin oldidan jiddiy yo'qotish

«Ayaks» Chempionlar ligasining 1/4 finali doirasida «Yuventus»ga qarshi javob uchrashuvi oldidan muammoga duch keldi.

Gollandiya chempionatining 30-turi doirasida "Ekselsior"ga qarshi kechgan o'yinda (6:2) yosh futbolchi jarohat olgan. Uchrashuvning 28-daqiqasida Frenki de Yong maydonni tark etishga majbur bo'lgan.

Goal.com xabariga ko'ra, de Yongning jarohati uning "Yuventus"ga qarshi o'yindagi ishtirokini so'roq ostiga qo'ydi. 21 yoshli futbolchi belini shikastlab olgan, odatda futbolchilar bunday jarohatdan tiklanishi uchun ikki hafta muddat talab etiladi.

«Yuventus» — «Ayaks» uchrashuvi 16 aprel kuni Turindagi «Alyants Arena» stadionida bo'lib o'tadi. Jamoalarning o'tgan haftadagi birinchi uchrashuvi 1:1 hisobida yakunlangandi.