Valverde: «Debyut qilgan futbolchilarning o'yinidan qoniqdim»

«Barselona» bosh murabbiyi Ernesto Valverde «Ueska»ga qarshi o'yin (0:0) borasida o'z fikrlarini bildirib o'tdi.

«Ushbu o'yinda tarkib borasida ko'p o'zgarishlarga qo'l urdim. Ba'zi futbolchilar bosh jamoada debyut qilishdi. Shu bois, o'yindan qoniqish hosil qildim. Hujumda yana ba'zi narsalarni sinab ko'rishimiz mumkin edi.

Uch nafar futbolchi — Mussa Vage, Jan-Kler Todibo, Rikard Puch debyut qilishdi. Ular mas'uliyat tufayli o'yinni biroz asabiy tarzda boshlashdi. Himoyada ayrim muammolarga dus kelganimiz bois, o'yin uslubini o'zgartirishga to'g'ri keldi. Boisi, Alba va Semeduni maydonga tushirishni istamadim.

Todibo tez harakat qiladi. Vage va Riki ham yaxshi o'ynashdi. Shu bois, ulardan qoniqish hosil qildim», – dedi Valverde.