La liga. «Barselona» autsayder bilan o'yinda ochko yo'qotdi

Ispaniya chempionatining 32-turi doirasida "Barselona" safarda "Ueska" klubi mehmoni bo'ldi.

Valverde mazkur o'yinda 7 nafar asosiy tarkib futbolchisiga dam berib, deyarli ikkinchi tarkibni maydonga tushirdi. Kataloniyaliklar har ikkala bo'limda ikkitadan golga tortadigan vaziyat yaratishdi. Birinchi taymda mezbonlar darvozaboni xavfli vaziyatlarni bartaraf etgan bo'lsa, ikkinchi bo'limda "ko'k-anorranglilar"ning zarbalariga aniqlik etishmadi.

Shu tariqa, "Barselona" 2 ochkodan mahrum bo'lgan bo'lsa, turnir autsayderi "Ueska" 1 ochkoni qo'lga kiritdi. La liga jadvalida 2-o'rinda borayotgan "Atletiko" bugun "Selta"ni mag'lub etsa, peshqadam bilan oradagi farqni 9 ochkoga etkazadi.

Ispaniya La ligasi, 32-tur
Ueska – Barselona 0:0 (0:0, 0:0)
Ueska – Santamariya, Echeyta, Pulido, Miramon, Galan, Gomes, Rivera, Ferreyro (Ernandes, 72), Anor (Melero, 60), Avila (Aleks Galyar, 88), Galego.
Barselona – ter Shtegen, Umtiti, Vage, Murilo, Dembele (Koutino, 67), Vidal, Boateng, Puch (Alba, 67), Malkom, Alenya (Artur, 81), Todibo.
Ogohlantirishlar: Todibo (42), Vage (90), Pulido (90).