12-15 aprel kunlari Toshkent shahrida dzyudo bo'yicha kadetlar va yoshlar o'rtasida Osiyo ochiq kubogi bo'lib o'tadi. Turnirda 6 mamlakatdan 250 ga yaqin ishtirokchi o'z omadini sinab ko'radi.

12-15 aprel kunlari Toshkent shahrida dzyudo bo'yicha kadetlar va yoshlar o'rtasida Osiyo ochiq kubogi bo'lib o'tadi. Turnirda 6 mamlakatdan 250 ga yaqin ishtirokchi o'z omadini sinab ko'radi.

Musobaqa reglamentiga ko'ra, 12-13 aprel kunlari kadetlar toifasidagi bellashuvlar o'tkazilsa, 14-15 aprel sanalarida yoshlar o'z mahoratini namoyish etishadi. Ta'kidlash joiz, mazkur musobaqa har yili Uchqun Murodov xotirasiga an'anaviy tarzda o'tkazilib, unda yosh iqtidorli dzyudochilarimiz saralab olinadi.

Bahslar “Universal” sport majmuasida o'tkaziladi. Musobaqada yurtimiz dzyudochilaridan tashqari Rossiya, BAA, Qozog'iston, Tojikiston va Qirg'iziston terma jamoasi a'zolari ham medallar yo'lida bahs olib borishadi. Eng ko'p ishtirokchilar O'zbekiston (111) va Qozog'iston (82) jamoalarida qayd etilgan.

Vazn toifalari:

O'smirlar: -50 kg (16 ishtirokchi), -55 kg (26), -60 kg (27), -66 kg (26), -73 kg (18), -81 kg (16), -90 kg (16), +90 kg (16)

Qizlar: -40 kg (6 ishtirokchi), -44 kg (12), -48 kg (9), -52 kg (9), -57 kg (12), -63 kg (14), -70 kg (12), +70 kg (10).