«Yuventus»ning sobiq futbolchisi faoliyatini yakunladi

Turining “Yuventus” klubi sobiq futbolchisi Milosh Krasich faoliyatini yakunlashi haqida e'lon qildi.

Uning so'ngi klubi polshaning “Legiya” klubi edi. U dekabr oyining boshida mazkur jamoa safini tark etgandi.

“Men faoliyatimni yakunlamoqchiman. Men vaqtimni oilam bilan barga o'tkazmoqchiman. Birorta jamoaning texnik direktori bo'lmoqchiman. Shu sababli UYoFAdan Pro litsenziyasini olmoqchiman. Bu bizning yangi loyiha bo'ladi”, deydi Krasich.

Eslatib o'tamiz, 34 yoshli futbolchi faoliyati davomida “Voyvodin”, TsSKA, “Yuventus”, “Fenerbaxche” va “Bastiya” jamoalarida to'p surgan. U Serbiya terma jamoasi safida 46 ta o'yinda maydonga tushib, 3 ta gol urgan.