Hakam VARga murojaat qilib, «Barselona»ning «MYu»ga darvozasiga urgan golini inobatga oldi (video)

Evropa chempionlar ligasining chorak final bosqichida bo'lib o'tayotgan «Manchester Yunayted» va «Barselona» jamoalari o'rtasidagi o'yinda hisob ochildi.

Dastlab Lionel Messi jarima maydonchasi ichida to'pni qabul qilib, olis ustun tomon uzatma bergan paytda qanot hakami Matteo Passeri kataloniyaliklar hujumchisi Luis Suaresni ofsaydda qolgan deb hisoblab, golni bekor qildi.

Ammo referi Janluka Rokki videotakrorlar bo'yicha mutaxassislarga murojaat qildi va gol toza urilganini qayd etdi. Suaresning bosh bilan yo'llagan zarbasidan keyin to'p «MYu» himoyachisi Lyuk Shouga tegib, so'ngra darvoza chizig'ini kesib o'tdi.