Emeri O'zilni «Tottenxem»ga qarshi o'yinda nima uchun maydonga tushirmaganini tushuntirdi

«Arsenal» bosh murabbiyi Unai Emeri Angliya liga kubogining chorak finalida «Tottenxem»ga qarshi o'yinda (0:2) nima uchun Mesut O'zilni maydonga tushirmaganiga izoh berib o'tdi.

«Bu taktik nuqtai nazardan chiqarilgan qaror. Bugungi bahsga ushbu tarkib mos keladi, deb hisoblaganim uchun shunday tarkibni tanladim. Ha, O'zil o'yinga tayyor edi. Men esa har bir futbolchi haqida o'ylashim lozim. Ixtiyorimda 24-25 nafar futbolchi bor. Navbat bilan ular maydonga tushishadi. Bu mening qarorim. Bu taktika bilan bog'liq edi», — dedi Unai Emeri.

So'nggi paytlarda matbuotda O'zil yanvar oyida "kanonirlar" safini takr etishi mumkinligi haqida xabarlar tarqalmoqda.