Samvel Babayan: “O'yin durang bilan yakunlanganida haqqoniy bo'lardi”

Superliga 4-turidan o'rin olgan “Paxtakor” – “Navbahor” (1:0) uchrashuvidan keyingi matbuot anjumanida “lochinlar” ustozi Samvel Babayan ishtirok etib, OAV xodimlarining savollariga javob berdi. 

Samvel Vyacheslavovich o'z so'zini o'yin haqidagi fikrlari bilan boshlab, jumladan, shunday dedi:
- Albatta, bunday uchrashuvlar chempionat bezagi hisoblanadi.Mazkur o'yinni 4-turning markaziy o'yini deya ta'riflashdi. Men esa bugungi o'yinni nafaqat ushbu tur, balki, 1-davraning markaziy bahslaridan biri, degan bo'lardim.

Uchrashuv natijasi va jamoamizning bugungi o'yini borasida to'xtaladigan bo'lsam, yigitlarga namoyish etgan o'yinlari uchun o'z minnatdorchiligimni bildiraman. Aslida bahs durang natija bilan yakunlanganida, haqqoniy bo'lardi.Bugun hujumda shogirdlarim o'z potentsiallarini to'liq namoyish eta olishmadi.Garchi xavfli vaziyatlar yaratgan bo'lsakda. gol urishning uddasidan chiqa olmadik. Albatta, buni hali muhokama qilib, kamchiliklar borasida ish olib boramiz.
Raqibimiz ham unchalik xavfli vaziyatlar yaratolmagan bo'lsada, yagona xato golga olib keldi.
- Goldan keyin “Navbahor” oldinga borish o'rniga, o'yinni tashlab yuborgandek ko'rindi...

- Bunday bo'lmadi. Biz vaziyatlar yaratib, oldinga borishga urindik. Barcha yigitlar oxirigacha harakat qilishdi.

- “Navbahor” ijrosida mazmunli, jangovar o'yin ko'rdik. Intizomni ushlab turdingiz. Lekin, nima uchun bu o'yin oxirigacha bo'lmadi?

- Tayanch zonasida qo'pol xato bo'ldi. Uchrashuvga keladigan bo'lsak, bu OChL darajasidagi bahs bo'ldi. “Navbahor” 60-70 foizga yangilangan yangilangan jamoa. O'yindan-o'yingacha maksimal ravishda kuchayamiz.

- O'yindagi almashtirishlaringiz mag'lubiyatga ta'sir qildi deb o'ylaysizmi?

- Yo'q. Almashtirishga jarohatlar ham sabab bo'ldi. Azimjon Ahmedovning jarohati bor edi. Grigalashvilining esa almashtirish vaqti kelgandi.