Kamonchilarimiz Ruminiya Gran-prisida ishtirok etishadi

Bugun Ruminiya poytaxtida kamondan otish bo'yicha Evropa Gran-prisi start oldi.

Sayyoramizning mohir merganlari qatorida O'zbekiston terma jamoasi vakillari ham mazkur musobaqada ishtirok etishadi.

Turkiyaning Antalya shahrida o'quv-mashg'ulot yig'inini o'tkazgan vakillarimiz mazkur musobaqaga jiddiy hozirlik ko'rishdi. 13 aprelga qadar davom etadigan mazkur Gran-prida 52 mamlakat vakillari o'z omadini sinab ko'radi. Ta'kidlash joiz, musobaqa yakuniga etgach, terma jamoamiz Turkiya yig'inini davom ettirish uchun yana Antalyaga qaytib kelishadi.