«Boka Xuniors» Mourinoga ish taklif qildi

«Manchester Yunayted» klubi sobiq bosh murabbiyi Joze Mourino Argentinada ish boshlashi mumkin. «Boka Xuniors» jamoasi uning xizmatiga qiziqish bildirmoqda.

Buenos-Ayres shahri klubi sport direktori Nikolas Burdisso «Inter»dagi faoliyati davomida portugaliyalik mutaxassis bilan birga ishlagan. Shuningdek, Mourino boshqaruvi paytida "Inter"da o'ynagan Esteban Kambyasso murabbiyga yordamchilik qilishi mumkin. «Boka» rahbariyati Mourino bilan aloqaga chiqishga ulgurdi.

Mourino 18 dekabr kuni «MYu»dan iste'foga chiqarildi. U faoliyatini «Real»da davom ettirishi mumkinligi haqida OAVda xabar tarqatildi.