Intervyu. Jaloliddin Masharipov: «Agar ularda Xavi bor bo'lsa, bizda Jalol bor demadingizmi?!»

Bugungi kunimiz deyarli  «Paxtakor» klubi bilan o'tdi desak, adashmagan bo'lamiz. Jamoaning o'yin oldi mashg'ulotlaridan so'ng o'zbek futbolining eng yorqin yulduzi, do'stimiz - Jaloliddin Masharipovni suhbatga tortdik.

Ertangi uchrashuv oldidan fikrlaringiz bilan o'rtoqlashsangiz

Bizni ertaga o'ta muhim uchrashuv kutib turibdi. Ertangi  g'alaba guruhdan chiqishimiz uchun zamin yaratib berishi mumkin. Shu sabab ushbu uchrashuvda g'alaba qozonishga harakat qilamiz.

Bugun matbuot anjumanida asosiy mavzu Xavining maydonga tushish, yoki tushmasligi to'g'risida bordi. Tarkibida  Xavi va Gabi  bor jamoa Osiyining har qanday klubi uchun qiyinchilik tug'dira oladimi?

Albatta, bu ikki buyuk futbolchining maydonda bor ekanligi raqiblarda qo'rquv hissini uyg'otishi mumkin, lekin biz uchun emas. Agar ularning muxlislari bizda Xavi bor deb maqtangan bo'lsa, sizlar ham bizda Jalol bor deb maqtanmadinglarmi? (kuladi)

Ertangi uchrashuvgacha A'zamov  va Simich jarohatidan qutulib safga qayitishi mumkinmi?

Simich jarohatdan to'liq qutulganicha yo'q. Sherzod bugun ko'rganingizdek, asosiy guruh bilan birgalikda mashg'ulot o'tkazdi. Nasib qilsa, uni ertaga maydonda ko'rasizlar.

Ertangi muhim uchrashuv oldidan muxlislarga murojaatingiz bo'lsa, marhamat

Men ulardan ertaga maydonga kelib qo'llab-quvvatlab turishlarini iltimos qilgan bo'lar edim. Bizga har doimgidanda ko'proq keraksizlar.