«Altin Mergen» turnirini bronza medali bilan boshladik

Xabar berganimizdek, shu kunlarda Qozog'istonning Chimkent shahrida pnevmatik qurollardan o'q otish bo'yicha “Altin Mergen” nomli xalqaro musobaqa bo'lib o'tmoqda. Ayni paytga kelib, terma jamoamiz musobaqadagi dastlabki medalini qo'lga kiritdi.

Ayollar o'rtasida 10 metrdan pnevmatik to'pponchadan o'q otish bahslarida yosh iste'dodli vakilamiz Iroda Azimboeva bronza medalini qo'lga kiritdi. Musobaqa doirasida bir qator vakillarimiz ertaga bo'lib o'tadigan final yo'llanmasiga ega bo'lganini inobatga olsak, merganlarimizning yana qator muvaffaqiyatga erishishi kutilmoqda.

“Altin Mergen” xalqaro turniri. Qozog'iston
10 metr, to'pponcha. Ayollar

1. Irina Potkionova (Qozog'iston)
2. Olga Aksyonova (Qozog'iston)
3. Iroda Azimboeva (O'zbekiston)