Chempionlik uchun «Yuventus»ga 1 ochko qoldi

Italiya chempionatining 31-turi doirasida «Napoli» o'z maydonida «Jenoa»ni mag'lub eta olmadi (1:1).

Shu tariqa, Anchelotti jamoasi mavsum tugashiga 7 tur qolganida peshqadam «Yuventus»dan 20 ochko ortda qolib ketishdi. Turinliklar qolgan turlarda atigi 1 ochkoni qo'lga kiritishsa ham chempionlikni qo'lga kiritishadi. A seriya reglamentiga ko'ra, ochkolar teng bo'lib qolganida, dastlab o'zaro o'yinlar natijalari inobatga olinadi. "Keksa sinora" A seriya doirasida har ikkala bahsda ham "Napoli" ustidan g'alaba qozongan.