Diego Kosta hakamning onasini haqorat qilganmidi?

"Barselona" - "Atletiko" (2:0) o'yinini boshqargan hakam Xesus Xil Mansano Diego Kostani nega maydondan chetlatilganini ma'lum qildi.

"28-daqiqada Diego Kosta "Men sening onangni fohishaga o'xshataman", deya haqorat qilgani uchun qizil kartochka oldi", deb yozgan qaydnoma daftarida.

Ta'kidlash kerakki, Kostaning lab harakatlaridan mutaxassislar boshqa jumlani aniqlashgan. Unga ko'ra hujumchi hakamga "la puta madre que te parió", ya'ni "Seni dunyoga keltirgan ayolga la'nat bo'lsin", degan. Har ikkala holatda ham Diego Kostaga haqli ravishda qizil kartochka ko'rsatilgan.