"Atletiko" portugaliyalik futbolchini o'z safiga qo'shib olmoqchi

Madridning "Atletiko" klubi Angliyaning "Manchester Siti" klubining portugaliyalik yarim himoyachisi Matey Nunesni ijaraga olish imkoniyatini ko'rib chiqmoqda, deb xabar bermoqda nufuzli The Athletic nashri.

Qayd etilishicha, "shaharliklar" bir yil avval "Vulverxempton"dan 62 million evroga sotib olgan 26 yoshli futbolchi uchun hozircha hech qanday taklif olmagan. Futbolchining jamoadagi kelajagi hali aniqlanmagan.

2023/24 yilgi mavsumda Matey Nunes "Manchester Siti" safida 31 ta o'yin o'tkazib, 5 ta golli uzatmani amalga oshirgan. Transfermarkt portali uning narxini 50 million evroga baholamoqda.