"Bavariya" futbolchisi "MYu" va London klubi da'vogarlik qilmoqda

Nussair Mazrauiga Premer-liganing ikkita klubi qiziqmoqda.

"Manchester Yunayted" va "Vest Xem" "Bavariya" himoyachisini transfer qilish imkoniyatini ko'rib chiqmoqda, deb xabar beradi Sky Sport nashri. Marokashlik futbolchi har ikki klubning asosiy maqsadlaridan biri va Premer-ligada o'ynashni istamoqda.

Avvaliga "Bavariya" Mazrauining transferi uchun 30 million evro olmoqchi bo'lgan bo'lsa, endi ular talabni 20-25 millionga tushirib qo'yishdi, eng real variant – 15-20 million evro.

26 yoshli futbolchining myunxenliklar bilan shartnomasi 2026 yilgacha amal qiladi.

O'tgan mavsumda Bundesligada Mazraui 19 ta o'yinda maydonga tushib, 3 ta golga assistentlik qilgan.