"PSJ" futbolchisi o'z kelajagi borasida yakuniy qarorga keldi

"PSJ" yarim himoyachisi Manuel Ugarte faoliyatini qaerda davom ettirishi haqida bir qarorga keldi.

Urugvaylik yarim himoyachi Angliya Premer-ligasiga o'tish niyatida.

Eslatib o'tamiz, o'tgan yozda futbolchiga Londonning «Chelsi» klubi qiziqish bildirgandi, ammo «ko'klar» «PSJ»ga poygada mag'lub bo'lgandi.

Traspasos nashri ma'lumotlariga ko'ra, Ugarte hozirda "Manchester Yunayted"ga o'tmoqchi. Yarim himoyachi bu variantni faoliyatini davom ettirish uchun eng yaxshi variant deb hisoblamoqda. "PSJ" rahbariyati Ugarteni Lissabonning "Sporting" klubidan transfer qilinganidan bir yil o'tib qo'yib yuborishga tayyor.

Manuel debyut mavsumida Luis Enrike boshchiligidagi murabbiylar shtabini hayratda qoldira olmadi.