"Tottenxem" yaponiyalik futbolchi uchun 50 million evro sarflamoqchi

"Real Sosedad"ning hujumkor yarim himoyachisi Takefusa Kubo Ispaniyadan Angliyaga o'tishi mumkin. Bu haqda Mundo Deportivo nashri xabar bermoqda.

Manbaga ko'ra, yaponiyalik futbolchiga Londonning "Tottenxem" klubi qiziqish bildirmoqda. Ingliz klubi rahbariyati 23 yoshli yaponiyalik futbolchini transferi uchun 50 million evro taklif qilgan.

Ispaniya tomoni, o'z navbatida, Kuboni sotishdan kamida 60 million daromad olmoqchi. O'tgan mavsumda Takefusa "Real Sosedad" safida 41 ta o'yinda ishtirok etgan. Yarim himoyachi ettita gol urdi va beshta golli uzatmani amalga oshirdi. Tomonlar o'rtasidagi shartnoma 2029 yilning o'rtalarida tugaydi.