"Roma" sport direktori "MYu"da ishlashdan bosh tortdi

"Roma"ning sport direktori Ramon Monchi "Manchester Yunayted" klubida ishlashdag bosh tortdi, deya xabar beradi Daily Mail.

Manbaga ko'ra, Angliya klubi rahbariyati Monchi bilan bog'langan, ammo rimliklar sport direktori "Roma"ni tark etishni istamadi. Endi manchesterliklar "RB Leyptsig" klubi tizimida ishlaydigan Pol Mitchell nomzodini ko'zlamoqdalar.

Avvalroq 50 yoshli Monchining xizmatlariga "Barselona" qiziqayotgani xabar qilingan, ammo u yaqin vaqtlarda Ispaniyaga qaytish rejasi yo'qligini bildirgan. Ispaniyalik mutaxassis 2000 dan 2016 yilgacha "Sevilya" tizimida ishlagan, so'ng "Roma"ga o'tgan.