APL. «Liverpul» «Enfild»da «MYu»ni mag'lub etadimi? Statistikasi boshqacha gapiryapti

Angliya premer-ligasining 17-turi doirasida markaziy o'yin ertaga "Enfild" stadionida bo'lib o'tadi. «Liverpul» 16 dekabr kuni o'z maydonida «Manchester Yunayted»ni qabul qiladi.

Statistikaga ko'ra, mersisaydliklar so'nggi 4ta mavsumdan beri o'z maydonlarida "qizil iblislar"ni mag'lub eta olishmayapti. Bu o'yinlarning ikkitasida durang qayd etilgan bo'lsa, ikkitasida mankunianliklar g'alaba qozonishgan. Bundan tashqari, "Liverpul" so'nggi 3 mavsumdan beri o'z uyida "Yunayted" darvozasiga gol ura olmayapti. Liverpulliklar so'nggi marta 2013 yilning 1 sentyabr kuni Daniel Starrijning yagona goli evaziga raqibni mag'lub etishgandi.

«Liverpul» klubi Angliya chempionatining avvalgi turidan boshlab jadvalda peshqadamlikni qo'lga olgan.